Veruleikinn

Draumórar og ekki draumórar.
Jú, ég fór út að skokka en þó ósköp stuttan hring. Ég fékk mér bæði hafragraut og skyr með berjum en engan rjóma. Ég kíkti aðeins í glósur en aðeins 403 og 503. Ég náði ekki í myndirnar né keypti ramma og hengdi þ.a.l ekkert upp á vegg. Seldum ekki bílinn, en höldum enn í vonina. Einhver ?
Æ, þetta er eiginlega enginn dagur til að segja frá.

Vil reyndar dásama það sem ég gerði í kvöld -eða réttara sagt það sem gert var við mig. Og dásama það að búa hér við sjóinn í Grafarvogi og hversu stutt er í allt. Ég fór semsagt í dekur; plokkun, litun og vax hjá stelpu/konu sem býr hér spölkorn frá. Hef farið til hennar síðan ég flutti í bæinn enda er hún alveg frábær. Vandvirk, ódýr og skemmtileg. Og ekki er það verra að hún er Vestfirðingur. Hún sjálf er Ísfirðingur en á ættir að rekja til Bolungarvíkur auk þess sem maðurinn hennar er þaðan. Þau eiga tvo stráka og giftu sig í fyrra 07.07.07. Þannig ég spyr í anda Kalla Hallgríms sbr. hver er Víkarinn ?,  hver eru þessi hjón ?

Þetta kvöld er ekki það eina góða í þessari viku en þau tvö á undan hafa einnig verið góð. Ingibjörg vinkona kíkti hingað í spjall á mánudagskvöldið og í gærkvöldi kom hingað stórfjölskyldan í pizzuveislu, þ.e. amma og afi, mamma, pabbi og bró og systkini mömmu og fjölskyldur. Loksins erum við komin í íbúð sem býður upp á fjöldasamkvæmi, þ.e. fleiri en 5 manns.

—–
Klukkan er 22.40. Kominn háttatími þar sem við hjú ætlum að vakna 5:40 i fyrramálið og horfa á íslenska handboltalandsliðið leika gegn Kóreu. Ég er ekki alveg að átta mig hvort þetta sé bilun eða ekki…

~ af kristingrims á ágúst 13, 2008.