it's the journey, not the destination

Ég er farin að láta hafa mig út í allskyns vitleysu. Í síðustu viku fór ég í hot yoga og í gærkvöldi í nútímadans. Þeir sem þekkja mig vita að þetta er ekki alveg minn stíll. Ég er meira svona hoppiskopp og action, ef þið skiljið hvað ég á við. Auk þess að vera laus við allan liðleika og mjúkar hreyfingar.

Oh well.

Er annars búin að koma hot yoga inn í stundarskrána 1x í viku til frambúðar en ég er enn að melta þetta með nútímadansinn. Að liggja á gólfinu einsog krossfiskur og teygja sig og fetta… Er það virkilega málið ?

Annars er gaman að prufa e-ð nýtt og öðruvísi. Áskorun -ég lifi fyrir þær ! 
Ég get varla verið endalaust slæmur nútímadansari ?

Þetta er nútímadans.
Þetta eru danshæfileikar mínir.

Skjárinn á tölvunni er dáinn og nú hefur “að taka ekki tölvuna með í skólann” farið yfir á annað level, því nú hef ég ekki einu sinni val. Skrifa þetta á lyklaborðið en tölvan er tengd við risa túbuskjá.

Ætla samt að líta á þetta sem heppni, því nú eru nánast engar líkur að ég nenni að hanga á netinu í tilgangsleysi. Tíminn minn mun því nýtast einungis til gagnlegra hluta héðan í frá. Heppin !

Einnig var fyrsta mæling í dag, en í dag er vika síðan við Jón Ágúst hófum heilsukeppnina. Skemmst er frá því að segja að við höggumst ekki beint í þær áttir sem við viljum.

Jón Ágúst: -1.7 kg
Kristín: +0.5 kg
(fituprósenta sú sama)

Nú þarf ég því að léttast um 6.5 kg af fitu og Jón að þyngjast í vöðvamassa um 7.7 kg á næstu 12 vikum. Það er þó gott að þetta gerist strax fyrstu vikuna og sparkar í rassinn á okkur, en ekki seinna þegar við erum orðin værukær. Nú þurfum við líka að taka þetta skrefi lengra og gera e-ð róttækt til að sjá árangur. Gott mál og mjög heppin !

Talandi um heppni þá þurfti ég að ganga tómhent út út Bónus í vikunni því það fékkst ekki heimild fyrir 700 kr, en ég ætlaði að kaupa ost og pizzasósu. Heppin (að sleppa pizzukvöldi) !

Ég og hot yoga kennarinn

Ég fór í fyrsta hot yoga tímann minn í dag. Ekki alveg minn tebolli.. EN ég og bakið mitt höfðum nokkuð gott af þessu. Og eftirá er þetta algjör unaður. Yoga, teygjur, heitt bað, góður kvöldmatur og lestur uppí rúmi þangað til ég sofna er fínasta fimmtudagskvöld. Reyndar er lestrarefnið fjármál fyrirtækja (próf á morgun), en það er ekki alslæmt.

Ég er líka ánægð með óvenju gott jafnvægi í tímanum. Kem mér sífellt á óvart. Hver veit nema ég fari kannski aftur að viku liðinni…

Ég hef tekið tímamótaákvörðun.

Ég er hér með hætt að taka tölvuna með í skólann nema ég ég þurfi þess bráðnauðsynlega (sem ég sjaldnast þarf).

Facebook og almennt internetráf er farið að taka frá mér dýrmætan tíma sem ég má ekki við að missa, auk þess sem einbeitingin verður engin við lærdóminn. Þetta er engin ný uppgötvun, það vita þetta allir, en það getur verið erfitt að viðurkenna og takast á við “vandamálið”.

Það sem fær mig til að taka skrefið er spennandi mastersnám sem mig langar mikið í (þessa stundina, svo veit maður aldrei) þar sem aðeins eru teknir inn 30 á ári úr öllum heiminum -yfirleitt aðeins 1 frá hverju landi. Ég á kannski ekki mikinn séns, en ætla þó ekki að drepa litlu glætuna með því að slugsa við námið.

Megið gefa mér selbit ef þið sjáið mig á facebook í skólanum !

…þá vil ég benda á eftirfarandi ummæli:

“Var að baka heilsuhafraklatta og bananorkubrauð… djöfulsins viðbjóður! Hafraklattarnir eru eins og gúmmiboltar og bananabrauðið svo væmið að ég kúgast. “ -Hildur Kristmunds á facebook.

Ég ber enga ábyrgð á ykkar mistökum í eldhúsinu né slæmum smekk ! Ennfremur vil ég benda á að ég dassa allt og smakka deigið, það er lykillinn..

Annars er mér nokkuð sama.

p.s. Fyndið að mynda-googla bananabrauð á bæði íslensku og portúgölsku. Leitarniðurstöður fyrir bananbrauð eru allar með bönunum stöppuðum við deigið en fyrir bolo de banana eru bananarnir yfirleidd sneiddir ofaná, einsog í uppskriftinni sem ég fékk frá Brasil. Skemmtilegur menningarmismunur. Mitt brauð lítur annars svipað út og þetta á myndinni -nema hvað ég nota öðruvísi mót og bananarnir eru sjaldnast svona fallega raðaðir.

Síðasta posjónin af naan brauðum er inni í ofni. Byrjaði á að grilla þau í Gogga, en mér fannst þau of klesst. Er líka búin að baka bananaorkubrauð og hafraklatta auk þess að skella í kjúklingasalat sem var í hádegismat. Alveg tilvalið að nota mánudagsmorgun í bakstur þegar nánast allir tímar dagsins falla niður vegna ferðalaga kennara.

Þessi bakstur er þó ekki tilkominn af eintómum dugnaði. Hér á þessum bæ er allt gert for a reason, en í dag byrjaði formlega “heilsukeppni” okkar Jóns. Til að detta ekki í óhollustuna á löngum skóladögum (líkt og gerst hefur undanfarið með 1/2 kg af súkkulaðirúsínum á dag) mætum við í skólann með heimatilbúið, hollt og orkumikið nesti. Ísskápurinn er fullur af ávöxtum, skyri og kjúkling -og svo verða hafraklattar og orkubrauð smá uppbót.

“Heilsukeppnin” er líka komin til af gleðilegri ástæðu. Jón Ágúst hefur loks keypt sér árskort í ræktina og nú munið þið geta séð okkur bæði sveitt og sælleg í World Class. Þó líklega aldrei á sama tíma -við getum jú ekki sést hvort með öðru. En Jón er ekki þekktur fyrir að gera neitt tilgangslaust svo markið er sett hátt.
Ég stefni á að losna við 6 kg af fitu fyrir 20. desember og Jón Ágúst ætlar að vera búinn að bæta á sig 6 kg af vöðvamassa fyrir sama tíma (við erum svo mikið balance-fólk, að við viljum halda heildarþyngd okkar stögugri). Uppá ísskáp er komið blað með markmiðunum, bæði í orðum og myndum (!) og tafla þar sem árangurinn verður merktur inná vikulega. Einsog í öllum alvöru keppni eru verðlaun fyrir þann sem vinnur/nær betri árangri og þau eru ekki af verri endanum: Út að borða í Perluna í boði taparans + 1 klst í nudd.

Þið megið veðja á hvor vinnur !

 Var svo búin að lofa að skella hér inn uppskriftinni að bananabrauðinu. Þetta er búið að vera uppáhaldsuppskriftin mín lengi. Fékk hana í ræktinni minni úti í Brasil með því loforði að ég léti hana ekki fara lengra. Þar með svík ég það loforð, enda finnst mér að allir megi njóta hennar. Og þó, því ég finn ekki uppskriftabókina. Læt ykkur því fá hana eftir minni, en svona gerði ég brauðið í morgun..

Bananaorkubrauð

1 dl spelt
1 dl klíð (má líka vera spelt)
1 1/2 dl púðursykur
1 msk lyftiduft
2 msk kanill (eða bara dass)
1 egg
1/2 dl mjólk
1/2 dl olía
3 bananar

Þurrefnunum blandað saman. Síðan er olíu, mjólk og eggi (má sleppa, en gerir léttara) bætt við. Hrært vel saman, á að vera frekar blautt. 2/3 af deiginu sett í mót (ég nota svona ílangt brauðmót, en hægt að nota hvað sem er) og bananarnir skornir þvert/langsum í og tvennt/þrennt og settir ofan á degið. Restin af deiginu fer yfir.
Skellt inní ofn á 180° í ca. 50 mín.

Vola og verði ykkur að góðu..

Nóg að gera þessa helgina. Mest í skipulagningu, markmiðasetingu og lærdómi. Hendi (vonandi) inn færslu á morgun um heilsu”keppni” okkar Jóns Ágústs.

En mig langaði bara að segja að mig langar mikið í þessar bækur: The law of success og Think and grow rich eftir Napoleon Hill,  þó aðallega þá fyrrnefndu. Smá hint fyrir afmælið mitt, sem styttist óðfluga í..

Í framhaldi af síðustu færslu um trú þá fór ég aðeins að pæla í muninum á trú og trúarbrögðum (believe vs. religion).

Trú: eitthvað fer eða gerist einsog einhver býst við eða vonar; að taka sem sannleik.
Trúarbrögð: guðsdýrkun skv. ákveðnu hugmyndakerfi.

Þ.e. ef ég veit ekki eitthvað þá get ég tekið einhverju sem sannleik og treysti að það sé satt, án þess þó að hafa sannanir fyrir að það sé satt.

Þannig var/er með guðstrúna. Fólk bjó á jörð sem það vissi ekki (og veit ekki enn ?) hvaðan er upprunin og því trúir fólk því að:
   a) Guð hafi skapa hana á 7 dögum
   b) …það sem önnur trúarbrögð segja um upphaf jarðar (þekki það ekki nógu vel)
   c) að hún hafi orðið til í Big Bang vegna árekstra sameinda (einsog er verið að reyna að líkja eftir í CERN)

Á meðan ekki er hægt að sanna neitt af þessu, er jafnframt ekki hægt að afsanna það heldur. (Big Bang er enn aðeins kenning, að því er ég best veit. Endilega bendið mér á grein annars efnis, ef ég hef rangt fyrir mér).

Svo er líka rétt að benda á að trúarbrögð eru í raun aðeins túlkunaratriði. Það má túlka Biblíuna og Kóraninn á ótal vegu eftir hentugleika. Maðurinn hefur afskræmt fallegar sögur með góðum boðskap fyrir eiginhagsmuni. Líkt og er að gerast í dag -fólk snýr baki við siðferði vegna eiginhagsmuna og græðgi og fegrar það á e-rn óskiljanlegan hátt.

Sjálf finnast mér trúarbrögð kjánaleg með sínum boðum og bönnum. Mér finnst að fólk eigi að taka til sín það góða en forðast það slæma. Hver og einn hefur rétt á að túlka hvað sé gott og hvað slæmt, en flest erum við þó sammála um að eftirfarandi sé til eftirbreytni:

   Heiðarleiki, vinátta, traust, einlægni og jákvæðni.

Eins erum við sammála um að eftirfarandi þættir séu óeftirsóknarverðir:

   Óheiðarleiki, hroki, svik, undirferli og neikvæðni.

Þetta höfum við flest lært frá unga aldri -og við vitum þetta þótt þetta eigi til að gleymast með árunum og peningunum. Disney pictures hafa þó verið ötulir við að minna okkur á góðu gildin í gegnum teiknimyndir sínar, sem allar bera með sér góðan boðskap um vináttu, traust, trú og öll erum við eins óháð stöðu. Lögin í myndunum þeirra eru öll afbrag og segja svo mikinn sannleik. Teiknimyndirnar eru alls ekki bara barnamyndir -þær eru fyrir alla !

Tökum nokkur dæmi (endilega klikkið á linkana, þetta eru lögin og myndbrot sem er gott fyrir alla að sjá).

Víðsýni -án takmarkana
Colors of the wind -Pocahontas

Vinátta -án takmarkana
Friends to the end -Tom and Jerry: the Movie (reyndar ekki Disney?)
You got a friend in me -Toy Story

Ást -án takmarkana
A whole new world -Aladdin
Tale as old as time – Beauty and The Beast

Draumar -án takmarkana
Part of your world -The Little Mermaid

Markmið -án takmarkana
Go the distance -Hercules
I’ll make a man out of you -Mulan

Engar áhyggjur -án takmarkana
Supercalifragilisticexpialidocious -Mary Poppins
Hakuna Matata -Lion King

Gæti tekið miklu fleiri dæmi. Margir þessara söngva sameina fleiri atriði í sér. En allar þessar myndir boða eitt og hið sama -möguleika án takmarkana.

Ég er svo heppin að lenda alltaf í góðum og skemmtilegum hópum. Nánast án undantekninga.
Í gær vorum við hópurinn minn í stjórnun að vinna að verkefni sem við eigum að skila í dag. Einn úr hópnum, skemmtilegur strákur, er mormóni og þar sem ég hef mikinn áhuga á trúarskoðunum (og skoðunum almennt) þá spjölluðum við og rökræddum heilmikið um trú og trúmál.

Ég er frekar hlutlaus í þessum efnum og tek öllu með opnum hug. Mér finnst gaman að rökræða trúarbrögð við þá sem hafa sterkar trúarskoðanir -hvort sem um ræðir mormóna, votta, kaþólikka, sjálfstæðismenn eða aðra. Ég virði flesta trú og veit að hún gerir gott fyrir marga, þó mér finnist trú á e-rn æðri mátt ekki henta mér þar sem ætlast er til að maður fylgi ákveðnum reglum.

Í framhaldi af þessu spjalli okkar í gær kíkti ég á síðuna www.mormonar.is. Rifjaði þar m.a. upp boðorðin 10 sem í raun eru almennar siðareglur. Eða allavega 6 af þeim. 4 boðorð finnst mér frekar stupid (skáletruð).

Boðorðin 10

1. Þú skalt enga aðra guði hafa en mig.
2. Þú skalt ekki tilbiðja líkneskjur.
3. Þú skalt ekki leggja nafn Drottins Guðs þíns við hégóma.
4. Minnstu þess að halda hvíldardaginn heilagan.
5. Heiðra föður þinn og móður þína.
6. Þú skalt ekki morð fremja.
7. Þú skalt ekki drýgja hór.
8. Þú skalt ekki stela.
9. Þú skalt ekki ljúga.
10. Þú skalt ekki girnast eigur náunga þíns.

Einnig hélt ég að tíund væri dautt hugtak, en svo er greinilega ekki:
,,Drottinn fjármagnar kirkju sína með tíundarlögmálinu. Nú á tímum greiða allir trúfastir þegnar Kirkju Jesú Krists hinna Síðari daga heilögu einn tíunda hluta tekna sinna sem tíund til kirkjunnar.”

Mormónar hafa einnig heilbrigðislögmál auk þess sem þeir eru skírlífir fram að hjónabandi (sem ég ætla svosem ekki að dæma, það er val hvers og eins) en ég skil ekki hvað mormónar hafa gegn tedrykkju ? 
,,Guð hefur lagt áherslu á blessanir rétts mataræðis og góðrar líkamlegrar og andlegrar heilsu, og að auki hefur hann mælt gegn neyslu, tóbaks, áfengis, kaffis og tes og ólögmætrar lyfjaneyslu.”

Það er vissulega margt annað sem mér finnst einkennilegt við hina ýmsu trú -ekki á slæman hátt heldur frekar forvitnilegt. Það er virkilega gaman að spjalla við trúað (openminded) fólk og ástæður trúar þess. Maður lærir víðsýni og umburðarlyndi við að kynnast ólíkum heimum og skoðunum.

Ég hef mikið dálæti á eftirfarandi texta úr Colors of The Wind (held ég hafi postað þessu áður):

You think the only people who are people
Are the people who look and think like you
But if you walk the footsteps of a stranger
You’ll learn things you never knew you never knew

Ég er enn á ný farin að íhuga skiptnám. Þetta er bóla sem kemur upp öðru hverju. Oftar en ekki dettur hún uppfyrir af einhverjum ástæðum en þetta blundar alltaf í mér. Þetta eirðarleysi og endalausar áskoranir.

Núna er ég að spá í The Royal Institute of Technology í Stokkhólmi. Það sýnir smá vott um að ég sé að róast. Í fyrra vildi ég fara yfir hálfan hnöttinn, til Ástralíu eða Nýja Sjálands, en núna er ég farin að hallast að Skandinavíu. Þessi skóli er nr. 53 yfir 100 bestu verkfræðiháskóla í heimi og býður upp á marga spennandi kúrsa.

Kemur í ljós hvað verður úr þessu. Hugmyndin er að fara næsta haust -en miðað við óvissu-Ísland þá getur margt breyst fram að þeim tíma.

Quote dagsins:
“Luck is what happens when preparation meets opportunity.”