Samningatækni kvenna í launaviðræðum

Fyrir stuttu vorum við að læra samningatækni í stjórnun, þ.á.m. samningatækni í launaviðræðum. Það var e-ð sem ég þurfti á að halda (og vonandi get nýtt mér) því ég er típísk kvensa sem lætur bjóða sér alltof lág lán og viðheldur þar með launamismun kynjanna.

Ég er yfirleitt frekar hörð í samningum -öllum samningum sem varða mig ekki persónulega. Ef ég er ósátt, fæ slæma þjónustu, finnst troðið á mér - þá kvarta ég. Ég læt í mér heyra ef það er troðið á fólki í kringum mig. Ég er góð í business og almennum samningaumræðum. En að þurfa að biðja um e-ð og kvarta í leiðinni -það er mér algjörlega um megn. Þetta á bæði við um að BIÐJA um launahækkun eða fara til læknis og segja að e-ð sé að. Hvort tveggja er alveg mín versta martröð.

Við fengum m.a. þennan texta frá Aðalsteini Leifssyni:

Konur eru hreint ekki verri samningamenn en karlar. Ítrekaðar og vandaðar athuganir sýna að konur og karlar ná sama árangri í samningaviðræðum og því hefur það ekkert forspárgildi um niðurstöðu að vita hvort samningsaðilinn er kvenkyns eða karlkyns, nema… þegar kemur að einstaklingsbundnum launaviðræðum. Í launaviðræðunum breyta konur (ekki allar – en mjög margar) um samningahegðun og biðja ekki um það sem þær vilja eða sækast eftir heldur aðeins það sem þær geta fengið án átaka. Karlar eru margfalt líklegri til að semja um það sem þeir vilja meðan konur eru líklegri til að bíða eftir að vera boðin launahækkun, ábyrgð, áberandi verkefni og mannaforráð. Þegar það gerist ekki þá eru þær ósáttar og fara e.t.v. annað.

Þarna er mér nákvæmlega lýst !

Ég stend mig vel og legg mig fram og VONAST svo eftir því að e-r taki eftir því og BJÓÐI MÉR betri kjör. En auðvitað gerist það ekki. Vinnuveitandinn er bara sáttur með að hafa góðan starfskraft á lágum lánum sem krefst einskis.

Frábært.

Þetta verður næsta krefjandi mission -að þora að fara til læknis (þegar ég þarf á að halda) og þora að biðja um launahækkun (þegar það á við).

 

Mormónar

Ég er svo heppin að lenda alltaf í góðum og skemmtilegum hópum. Nánast án undantekninga.
Í gær vorum við hópurinn minn í stjórnun að vinna að verkefni sem við eigum að skila í dag. Einn úr hópnum, skemmtilegur strákur, er mormóni og þar sem ég hef mikinn áhuga á trúarskoðunum (og skoðunum almennt) þá spjölluðum við og rökræddum heilmikið um trú og trúmál.

Ég er frekar hlutlaus í þessum efnum og tek öllu með opnum hug. Mér finnst gaman að rökræða trúarbrögð við þá sem hafa sterkar trúarskoðanir -hvort sem um ræðir mormóna, votta, kaþólikka, sjálfstæðismenn eða aðra. Ég virði flesta trú og veit að hún gerir gott fyrir marga, þó mér finnist trú á e-rn æðri mátt ekki henta mér þar sem ætlast er til að maður fylgi ákveðnum reglum.

Í framhaldi af þessu spjalli okkar í gær kíkti ég á síðuna www.mormonar.is. Rifjaði þar m.a. upp boðorðin 10 sem í raun eru almennar siðareglur. Eða allavega 6 af þeim. 4 boðorð finnst mér frekar stupid (skáletruð).

Boðorðin 10

1. Þú skalt enga aðra guði hafa en mig.
2. Þú skalt ekki tilbiðja líkneskjur.
3. Þú skalt ekki leggja nafn Drottins Guðs þíns við hégóma.
4. Minnstu þess að halda hvíldardaginn heilagan.
5. Heiðra föður þinn og móður þína.
6. Þú skalt ekki morð fremja.
7. Þú skalt ekki drýgja hór.
8. Þú skalt ekki stela.
9. Þú skalt ekki ljúga.
10. Þú skalt ekki girnast eigur náunga þíns.

Einnig hélt ég að tíund væri dautt hugtak, en svo er greinilega ekki:
,,Drottinn fjármagnar kirkju sína með tíundarlögmálinu. Nú á tímum greiða allir trúfastir þegnar Kirkju Jesú Krists hinna Síðari daga heilögu einn tíunda hluta tekna sinna sem tíund til kirkjunnar.”

Mormónar hafa einnig heilbrigðislögmál auk þess sem þeir eru skírlífir fram að hjónabandi (sem ég ætla svosem ekki að dæma, það er val hvers og eins) en ég skil ekki hvað mormónar hafa gegn tedrykkju ? 
,,Guð hefur lagt áherslu á blessanir rétts mataræðis og góðrar líkamlegrar og andlegrar heilsu, og að auki hefur hann mælt gegn neyslu, tóbaks, áfengis, kaffis og tes og ólögmætrar lyfjaneyslu.”

Það er vissulega margt annað sem mér finnst einkennilegt við hina ýmsu trú -ekki á slæman hátt heldur frekar forvitnilegt. Það er virkilega gaman að spjalla við trúað (openminded) fólk og ástæður trúar þess. Maður lærir víðsýni og umburðarlyndi við að kynnast ólíkum heimum og skoðunum.

Ég hef mikið dálæti á eftirfarandi texta úr Colors of The Wind (held ég hafi postað þessu áður):

You think the only people who are people
Are the people who look and think like you
But if you walk the footsteps of a stranger
You’ll learn things you never knew you never knew

 

Efling íslensks landbúnaðar

Eftir verkefnið okkar í Nýsköpun og stofnun fyrirtækja í fyrravor hef ég fengið gríðarlegan áhuga á eflingu íslensks landbúnaðar og tel að við eigum mikið inni. Samtökin Beint frá býli eru að gera góða hluti og vonandi eiga enn fleiri bændur eftir að taka þátt í því verkefni. Ég heyrði m.a.s af því í sumar að þegar væri búið að koma á fót verslun sem byggir á svipaðri hugmynd og okkar var -þ.e. “milliliðalaus sala” frá bónda til neytanda (nema hvað okkar hugmynd var svo miklu miklu meira, að sjálfsögðu.. ).

Þegar við unnum að Sveitinni, verkefninu okkar, þá hittum við m.a. bóndann að Hálsi í Kjós, sem er að gera virkilega góða hluti, auk þess sem við buðum upp á ótrúlega gott paté frá Matarbúrinu þeirra í kynningunni sjálfri. Mæli eindregið með vörunum þeirra og hvet fólk til að nýta sér starfsemi býla í samtökunum Beint frá býli. Þá getur fólk verið visst um að fá gæðavöru á góðu verði þar sem allir græða !

Þeir eru þó ekki þeir einu sem bjóða uppá gæðaafurðir heldur er hægt að nálgast um allt land ýmsar aðrar góðar vörur, s.s. lambakjöt, egg, ís, lax, osta, sultur og ýmsar afleiddar afurðir s.s. rabarbarakaramellur, reyktar tungur.. og miklu miklu fleira !

Ég vonast einnig til að þeir bændur sem ekki hafa enn opnað augun sjái tækifærin sem liggja í landbúnaðinum um þessar mundir, það þarf oftar en ekki nema að hugsa örlítið útfyrir rammann því möguleikarnir eru óendanlegir !

Hrein og ómenguð nautasteik -tekið af mbl.is

 

Háskólanám forréttindi ríkra ?

Finnst  gaman að vera talin til ríkra í dag, af þeirri einu ástæðu að ég stundi háskólanám.

En hvað er að vera ríkur ?
Hef ég efni á að vera í skóla af því ég á nóg af peningum ? Af því að mamma og pabbi vita ekki aura sinna tal ? Af því að einhver annar mokar undir rassinn á mér ? Af því að ég fæ fyrirframgreidd námslán ?  (þeir sem þekkja mig vita að ekkert af þessu er rétt)

…eða kannski bara af því ég veit hvað ég vil og hvert ég stefni -og geri það sem ég þarf að gera til að komast þangað ?

Háskólanám forréttindi ríkra -tekið af mbl.is.

 

17. júní

             

             

             

Ótrúlegt að liðin séu 2 ár !

Til hamingu með daginn allir MA-stúdentar !
Og svosem allir aðrir Íslendingar líka -þetta er víst þjóðhátíðardagur okkar allra.

 

Könnun

Eruði til í að taka könnun fyrir mig ?

Þetta er markaðsrannsókn vegna verkefnavinnu okkar í námskeiðinu Nýsköpun og stofnun fyrirtækisins. Okkar mission er að auka aðgengi að ferskum matvörum beint frá býli og markaðsetja heimaunnar matvörur bænda með það að markmiði að styrkja stoðir landbúnaðarsamfélagsins.

Þetta er könnunin.

 

Kosningadagur

Fram fram fylking,
forðum okkur háska frá
því ræningjar oss vilja ráðast á.
Sýnum nú hug,
djörfung og dug.
Vakið, vakið vaskir menn
því voða ber að höndum.
Sá er okkar síðast fer
mun sveipast hörðum böndum.

Kjósum rétt í dag !

 

Hann bróðir minn

Mér var bent á þessa skemmtilegu frétt frá Selfossi. Á meðan ég hafði það gott og svaf á mínu græna hér í bænum leiddist sveitunga mínum og ákvað að kveikja í sér -bara svona að gamni. Þetta gerði hann fyrir utan Krónuna í Kjarnanum.

Ég benti bróa að lesa þessa frétt þegar hann skreið á fætur eftir hádegi. Hann las þessa frétt (og fannst hún fyndin) og las svo fyrir mig fyrirsagnir nokkurra frétta svona í leiðinni, þ.á.m. þessa, Krónan veikst með nýrri stjórn.

Þetta fannst honum ekki skrítið “enda kveikti maðurinn í sér fyrir utan Krónuna”.
—
Annars á hann pabbi minn afmæli í dag. Ungi maðurinn enn rétt rúmlega fertugur. Hann bauð okkur í tilefni dagsins að nýta okkur 7 kr. afmælisafslátt hjá Atlantsolíu.

 

Koffín; banvænt eða bráðhressandi ?

Þetta er það sem ég hef alltaf haldið fram; að koffín sé ekki svo ólíkt sígarettum -ávanabindandi og skaðlegt. Loksins eru komin gögn sem styðja það.

Getið lesið nánar um þetta hér.

 

Davíð Oddson

Ég var að ljúka við að horfa á Davíð Oddson í Kastljósinu. Hann kom með hverja staðhæfinguna á eftir annarri og rökstuddi mál sitt vel -var m.a.s með fundargerðir þeim til staðfestingar. Hann gjörsamlega átti viðtalið og Sigmar þurfti fimlega að verjast því að falla í stokkinn og gapa með aðdáun yfir snilld foringjans. Mér fannst þó Sigmar standa sig ágætlega, miðað við aðstæður.

Ég þurfti líka að minna mig á gagnrýna hugsun. Þetta minnti á  heilaþvott. Mig langaði bara að gleypa við þessu öllu. Það verður ekki tekið af manninum að hann er mikill leiðtogi. En það var Hitler líka.

Ég mundi annars eftir ,,sögu” um Hitler, síðan ég skrifaði ritgerð um hann í grunnskóla. Ætla að láta  fylgja hér með brot úr textanum og dæmi svo hver fyrir sig.

Ein af uppáhalds áróðursaðferðum Hitlers var þessi: Ef þú ætlar að ljúga einhverju á annað borð, taktu þá nógu stórt upp í þig og hikaðu ekki við að endurtaka það.
Hugmyndin á bak við þessa aðferð var var sú að múgurinn léti fremur stjórnast af tilfinningum en vitsmunum.

Auk sérstæðs skilnings hans á stjórnmálum og mikilvægi aróðurs var Hitler afburða ræðumaður. Hann bjó yfir einstökum persónuleika sem hreif fólk hvort sem um var að ræða nánustu samstarfsmenn hans eða múginn sem hann talaði til.

Blanda Hitlers af kreddukendum staðhæfingum, endurtekningum, stingandi háði og skírskotun til tilfinninga gerði yfirleitt útslagið. Í lok tveggja klukkutíma ræðu hans var múgurinn farinn að fagna oft og mikið. Samt sem áður var hann ætíð ‘ískaldur’ og lét aldrei hrifninguna sem hann vakti ná tökum á sér. Hann bandaði frá sér fagnaðarlátunum hélt áfram rólega án þess að missa taktinn, byggði upp rök sín eins og píramída fyrir augum áheyrendanna á meðan rödd hans færðist frá pianissimo til fortissimo og allt upp í furioso. Að því leyti voru ræður hans ætíð úthugsaðar og aldrei ósjálfráðar. En það mikilvægasta var hæfileiki hans til að sannfæra áheyrendurna um að honum væri dauðans alvara. Svo að þegar galdramaðurinn leysti þá undan seið sínum streymdu þeir heim á leið, fordómar þeirra staðfestir, von þeirra endurnýjuð af manni sem kenndi sig við ótta þeirra og þrár og lofaði að uppfylla óskir þeirra á meistaralegan hátt.