Áttum að skrifa um leiðtoga og kynna hann í stjórnun í dag. Mér fannst þetta skemmtilegt verkefni. Ég valdi Magnús Scheving, enda aðdáunarverður karakter, mikill fyrirmynd og flottur leiðtogi.
Mæli með að þið skoðið þetta viðtal við hann, sérstaklega frá mínútu 5:45 til enda (ca. 2 mín).
…annars er yndislega fallegt veður úti. Fyrsta alvöru snjókoman á höfuðborgarsvæðinu í vetur. Dásemd. Í fyrramálið verður það ullarkápa, húfa og vettlingar.
Eftir að skjárinn dó í Dell tölvunni ákvað ég að nú væri kominn tími á nýtt apparat. Batteryið er löngu ónýtt og ég gat aldrei verið með hana nema hafa hana í sambandi, sem er afar óhentugt.
Ég fór því á stúfana í leit að arftaka þeirrar gömlu. Ég hef alltaf átt Dell og einhvern veginn fannst mér ég vera að svíkja ef ég fengi mér annað merki. Ákvað þó að vera víðsýn því ég þarf svosem enga svaka græju -nota aðallega netið, office pakkann og einstaka forrit. Auk þess sem gæðamerkið Dell virðist ekki hafa trítað mig vel þau ár sem við höfum verið saman. Kannski af því ég trítaði hana ekki nógu vel. Einsog pabbi segir: ,,Kristín, það skiptir ekki máli hvernig tölvu þú átt. Þær munu allar endast jafn stutt.”
Við tók því allsherjar leit á internetinu. Skoðaði sölusíður, ummæli um allt mögulegt og beinlínis sökkti mér ofan í heim sem ég þekki ekki mikið til. Megabæt, gígabæt, örgjörvi og hvað þetta heitir nú allt.
Ákvað loks að ég væri að leita að netbook með 10-12″ skjá til að geta verið með hana mikið á flakki. Ég vildi líka að hún hefði góða betteryendingu (sem hefur ekki verið með Dell tölvurnar mínar) og að hún kostaði ekki of mikið. Niðurstaðan varð þessi á endanum (í gær):
Asus Eee 1101HA
Þessi elska er með 11.6″ skjá (sem mér fannst mun hentugri en 10″, fannst það í það minnsta) og 11 klst batterylíftíma. Lyklaborðiðn er nánast í raunstærð og svo vegur þetta ekki nema 1.38 kg.
Lovlí !
Heppnin virðist elta mig á röndum. Heppni dagsins í dag var ekki einungis vegna viðhorfsins, einsog oft vill vera þegar ég á í hlut, heldur var þetta alvöru heppni -svona þar sem ,,preparation meets opportunity.”
Í daglegu lífi er annars nóg að gera. Dagskrá helgarinnar er þéttskipuð og vel skipulögð. Þó fátt sem telst til eiginlegrar skemmtunar, en það er svosem hægt að gera sér skemmtun úr öllu mögulegu. Það sem ég þarf að komast yfir er eftirfarandi:
Svo kannski andar maður smá inná milli og jafnvel knúsast -hver veit..
Ég er farin að láta hafa mig út í allskyns vitleysu. Í síðustu viku fór ég í hot yoga og í gærkvöldi í nútímadans. Þeir sem þekkja mig vita að þetta er ekki alveg minn stíll. Ég er meira svona hoppiskopp og action, ef þið skiljið hvað ég á við. Auk þess að vera laus við allan liðleika og mjúkar hreyfingar.
Oh well.
Er annars búin að koma hot yoga inn í stundarskrána 1x í viku til frambúðar en ég er enn að melta þetta með nútímadansinn. Að liggja á gólfinu einsog krossfiskur og teygja sig og fetta… Er það virkilega málið ?
Annars er gaman að prufa e-ð nýtt og öðruvísi. Áskorun -ég lifi fyrir þær !
Ég get varla verið endalaust slæmur nútímadansari ?
Þetta er nútímadans.
Þetta eru danshæfileikar mínir.
Skjárinn á tölvunni er dáinn og nú hefur “að taka ekki tölvuna með í skólann” farið yfir á annað level, því nú hef ég ekki einu sinni val. Skrifa þetta á lyklaborðið en tölvan er tengd við risa túbuskjá.
Ætla samt að líta á þetta sem heppni, því nú eru nánast engar líkur að ég nenni að hanga á netinu í tilgangsleysi. Tíminn minn mun því nýtast einungis til gagnlegra hluta héðan í frá. Heppin !
Einnig var fyrsta mæling í dag, en í dag er vika síðan við Jón Ágúst hófum heilsukeppnina. Skemmst er frá því að segja að við höggumst ekki beint í þær áttir sem við viljum.
Jón Ágúst: -1.7 kg
Kristín: +0.5 kg
(fituprósenta sú sama)
Nú þarf ég því að léttast um 6.5 kg af fitu og Jón að þyngjast í vöðvamassa um 7.7 kg á næstu 12 vikum. Það er þó gott að þetta gerist strax fyrstu vikuna og sparkar í rassinn á okkur, en ekki seinna þegar við erum orðin værukær. Nú þurfum við líka að taka þetta skrefi lengra og gera e-ð róttækt til að sjá árangur. Gott mál og mjög heppin !
Talandi um heppni þá þurfti ég að ganga tómhent út út Bónus í vikunni því það fékkst ekki heimild fyrir 700 kr, en ég ætlaði að kaupa ost og pizzasósu. Heppin (að sleppa pizzukvöldi) !
Ég og hot yoga kennarinn
Ég fór í fyrsta hot yoga tímann minn í dag. Ekki alveg minn tebolli.. EN ég og bakið mitt höfðum nokkuð gott af þessu. Og eftirá er þetta algjör unaður. Yoga, teygjur, heitt bað, góður kvöldmatur og lestur uppí rúmi þangað til ég sofna er fínasta fimmtudagskvöld. Reyndar er lestrarefnið fjármál fyrirtækja (próf á morgun), en það er ekki alslæmt.
Ég er líka ánægð með óvenju gott jafnvægi í tímanum. Kem mér sífellt á óvart. Hver veit nema ég fari kannski aftur að viku liðinni…
Ég hef tekið tímamótaákvörðun.
Ég er hér með hætt að taka tölvuna með í skólann nema ég ég þurfi þess bráðnauðsynlega (sem ég sjaldnast þarf).
Facebook og almennt internetráf er farið að taka frá mér dýrmætan tíma sem ég má ekki við að missa, auk þess sem einbeitingin verður engin við lærdóminn. Þetta er engin ný uppgötvun, það vita þetta allir, en það getur verið erfitt að viðurkenna og takast á við “vandamálið”.
Það sem fær mig til að taka skrefið er spennandi mastersnám sem mig langar mikið í (þessa stundina, svo veit maður aldrei) þar sem aðeins eru teknir inn 30 á ári úr öllum heiminum -yfirleitt aðeins 1 frá hverju landi. Ég á kannski ekki mikinn séns, en ætla þó ekki að drepa litlu glætuna með því að slugsa við námið.
Megið gefa mér selbit ef þið sjáið mig á facebook í skólanum !
…þá vil ég benda á eftirfarandi ummæli:
“Var að baka heilsuhafraklatta og bananorkubrauð… djöfulsins viðbjóður! Hafraklattarnir eru eins og gúmmiboltar og bananabrauðið svo væmið að ég kúgast. “ -Hildur Kristmunds á facebook.
Ég ber enga ábyrgð á ykkar mistökum í eldhúsinu né slæmum smekk ! Ennfremur vil ég benda á að ég dassa allt og smakka deigið, það er lykillinn..
Annars er mér nokkuð sama.
p.s. Fyndið að mynda-googla bananabrauð á bæði íslensku og portúgölsku. Leitarniðurstöður fyrir bananbrauð eru allar með bönunum stöppuðum við deigið en fyrir bolo de banana eru bananarnir yfirleidd sneiddir ofaná, einsog í uppskriftinni sem ég fékk frá Brasil. Skemmtilegur menningarmismunur. Mitt brauð lítur annars svipað út og þetta á myndinni -nema hvað ég nota öðruvísi mót og bananarnir eru sjaldnast svona fallega raðaðir.
Síðasta posjónin af naan brauðum er inni í ofni. Byrjaði á að grilla þau í Gogga, en mér fannst þau of klesst. Er líka búin að baka bananaorkubrauð og hafraklatta auk þess að skella í kjúklingasalat sem var í hádegismat. Alveg tilvalið að nota mánudagsmorgun í bakstur þegar nánast allir tímar dagsins falla niður vegna ferðalaga kennara.
Þessi bakstur er þó ekki tilkominn af eintómum dugnaði. Hér á þessum bæ er allt gert for a reason, en í dag byrjaði formlega “heilsukeppni” okkar Jóns. Til að detta ekki í óhollustuna á löngum skóladögum (líkt og gerst hefur undanfarið með 1/2 kg af súkkulaðirúsínum á dag) mætum við í skólann með heimatilbúið, hollt og orkumikið nesti. Ísskápurinn er fullur af ávöxtum, skyri og kjúkling -og svo verða hafraklattar og orkubrauð smá uppbót.
“Heilsukeppnin” er líka komin til af gleðilegri ástæðu. Jón Ágúst hefur loks keypt sér árskort í ræktina og nú munið þið geta séð okkur bæði sveitt og sælleg í World Class. Þó líklega aldrei á sama tíma -við getum jú ekki sést hvort með öðru. En Jón er ekki þekktur fyrir að gera neitt tilgangslaust svo markið er sett hátt.
Ég stefni á að losna við 6 kg af fitu fyrir 20. desember og Jón Ágúst ætlar að vera búinn að bæta á sig 6 kg af vöðvamassa fyrir sama tíma (við erum svo mikið balance-fólk, að við viljum halda heildarþyngd okkar stögugri). Uppá ísskáp er komið blað með markmiðunum, bæði í orðum og myndum (!) og tafla þar sem árangurinn verður merktur inná vikulega. Einsog í öllum alvöru keppni eru verðlaun fyrir þann sem vinnur/nær betri árangri og þau eru ekki af verri endanum: Út að borða í Perluna í boði taparans + 1 klst í nudd.
Þið megið veðja á hvor vinnur !
Var svo búin að lofa að skella hér inn uppskriftinni að bananabrauðinu. Þetta er búið að vera uppáhaldsuppskriftin mín lengi. Fékk hana í ræktinni minni úti í Brasil með því loforði að ég léti hana ekki fara lengra. Þar með svík ég það loforð, enda finnst mér að allir megi njóta hennar. Og þó, því ég finn ekki uppskriftabókina. Læt ykkur því fá hana eftir minni, en svona gerði ég brauðið í morgun..
Bananaorkubrauð
1 dl spelt
1 dl klíð (má líka vera spelt)
1 1/2 dl púðursykur
1 msk lyftiduft
2 msk kanill (eða bara dass)
1 egg
1/2 dl mjólk
1/2 dl olía
3 bananar
Þurrefnunum blandað saman. Síðan er olíu, mjólk og eggi (má sleppa, en gerir léttara) bætt við. Hrært vel saman, á að vera frekar blautt. 2/3 af deiginu sett í mót (ég nota svona ílangt brauðmót, en hægt að nota hvað sem er) og bananarnir skornir þvert/langsum í og tvennt/þrennt og settir ofan á degið. Restin af deiginu fer yfir.
Skellt inní ofn á 180° í ca. 50 mín.
Vola og verði ykkur að góðu..
Nóg að gera þessa helgina. Mest í skipulagningu, markmiðasetingu og lærdómi. Hendi (vonandi) inn færslu á morgun um heilsu”keppni” okkar Jóns Ágústs.
En mig langaði bara að segja að mig langar mikið í þessar bækur: The law of success og Think and grow rich eftir Napoleon Hill, þó aðallega þá fyrrnefndu. Smá hint fyrir afmælið mitt, sem styttist óðfluga í..
